هذي اشهر الكلمات السعوديه المضحكه التي تمرأحيانا على الجميع ولكن تستغرب من الأشخاص اللي دائما ما يتكلمون بها... حبيت اوصلها لكم بمفهوم وإن شاء الله تعجبكم
المفاهيم
1_الدلخ:انسان غبي جدااااا و يرفع الضغط و ينرفز و اكثر مايعاني منه المدرسين واهله
2_المنسم:هذا راجع الى تهريب الهواء من راسه و السبب هو ان راسه فيه فتق و دايم تلقاه يغطس راسه في سطل مويه عشان يعرف من وين التنسيم
3_المهوي: هذا مرحلة متأخرة من التنسيم و المهوي وصل لمرحلة متأخرة جداااااااا بحيث يفقد اهله الرجاء منه
4_السلنتح:قليل الادب
5_جحلط بتشديد اللام:وهي مرحلة متقدمة للسلنتح
6_مزلب:يعني بايعها بتراب
7_مسفح:يعني طاير في العجة وهو ماعنده ماعند جدتي يعني بالعربي الفصيح من جنب العارضة
8_المسبه او المسبوه:هو الشخص اللي يكون مروع في صغره لدرجة انه يصبح شبه فاقدللعقل
9_المفهي:هذا الله يخلف مهما تقول له او تصارخ عليه تلقاه فاتح فمه وبس وإذا كلف عمره وتفاعل معك رد عليك وقالك هه
10_العله :هو اللي ماتأخذ انت منه أي شئ ولاعنده استعداد ان يسمع منك مهما حاولت وهو كالمرض يعلك لين تنفقع مرارتك منه
11_ العربجي:يظن معظم الناس ان العربجي هو الشخص الشديد حق المشاكل و اللي مايمشي إلا وهو مشخص و حاط مفاتيحه في سلسلة و لابس نعال سجادية و يسحبها تسحيب اذا جاء يمشي ودايم فاتح صدره و رازه على فوق
12_المرجوج:هذا ما عمره صلح شئ صح في حياته مايمديك تفتح فمك الا وطار في العجه بدون ما يفهم وش السالفة و الارتجاج الحاصل له يختلف تماما عن مشكلة المسبه او المسبوه حيث يكون الارتجاج هنا نتيجة صدمه وليس نتيجة روعه
13_المطفوق:من فصيلة المرجوج إلا ان مايميزه هو انه إذا مر من عند كاس او جيك او إبريق او اي شئ فيه سائل لازم يكبه [[ اي يسكبه ]] برجله وهو مايدري ولا تخليه يمر بجنبك وانت معك صينيه فيها بيالات لانه لازم يطخها بيده او بكتفه وبعد لاتخليه يصب قهوه للضيوف لانه لازم يكب القهوه على ثوب واحد منهم
14_السربوت:هذا اللي ما يخلي مكان مايروح له و كانوا الاولين يطلقون لقب السربوت على من يشرب الدخان لكن الحين الله يخلف الناس تدخن بيديها و رجليها ولااحد يقول لهم شيئ
15_السمرمدي:وهو من نفس فصيلة السربوت
16_ الداشر:هذا قليل ادب مايحب يماشي الا السرابيت اللي مثله
17_الملكع:اما هذا فيعرف حتى السكن (( اي الجن )) مقطع السمكة وذيلها ومهما تحاول تلف وتدور معه تراه فاهم وعارف وش تبي بالضبط فلا تتعب نفسك معه
18_الخكري:ببساطة الخكري= نعومة + دلع + ليونة و الله لايبلانا
منقول
الأحد سبتمبر 07, 2008 7:24 pm